Háskólahlaupið 2026 fer fram þriðjudaginn 14. apríl kl. 15. Hlaupið er opið bæði starfsmönnum og stúdentum og hægt er að velja á milli tveggja vegalengda, 3 km og 7 km.
Hlaupið er ræst í skeifunni fyrir framan Aðalbyggingu HÍ.
- Þriggja kílómetra hlaupaleiðin liggur m.a. með fram Suðurgötu, út að Reykjavíkurflugvelli og með fram friðlandinu í Vatnsmýri.
Götur sem hlaupið er með fram: Sæmundargata - Sturlugata - Suðurgata - Þorragata - Njarðargata - Hringbraut. - Sjö kílómetra hlaupaleiðin liggur með fram Suðurgötu, út á Ægisíðu og til baka með fram sjónum og umhverfis Skerjafjörð, út að Reykjavíkurflugvelli og með fram friðlandinu í Vatnsmýri.
Götur sem hlaupið er með fram: Sæmundargata - Sturlugata - Suðurgata - Einarsnes yfir á göngustíg á Ægissíðu - göngustígur á Ægissíðu c.a. að fiskihjöllum þar sem snúið er við - göngustígur á Ægissíðu út í Skerjafjörð - Skeljanes - Einarsnes - Þorragata - Njarðargata - Hringbraut.
Kort af 3 km leið
Kort af 7 km leið
Skráningargjaldið er 3.500 kr. en þátttakendur fá bol merktan Háskólahlaupinu auk þess sem boðið er upp á tímatöku.
Skráning er hafin og henni lýkur 14. apríl kl. 13
Ertu með fyrirspurn um hlaupið? Sendu okkur línu á haskolahlaupid@hi.is
Við hlökkum til að sjá þig í Háskólahlaupinu!
Um Háskólahlaupið
Háskólahlaupið á sér langa sögu en var fyrst haldið með núverandi fyrirkomulagi árið 2007. Það fer nú fram í fjórtánda sinn með því fyrirkomulagi en ekki var hlaupið árin 2020, 2021, 2022 og 2023. Markmiðið með hlaupinu er að sameina stúdenta og starfsfólk í skemmtilegum viðburði og hvetja þau til hollrar hreyfingar.
Myndir frá fyrri Háskólahlaupum